MASTERCARD VİRTUAL

İnternet şəbəkəsindən istifadə edənlər üçün «Azəriqazbank» 2002-ci ilin yanvar ayından MasterCard beynəlxalq sisteminin virtual kartının emissiyasına başlamışdır.
Bu kartın həmin sistemin digər plastik kartlarından prinsipcə fərqi ondan ibarətdir ki, o yalnız İnternetdə əmtəə və xidmətlərin haqqının ödənilməsi üçün müəyyənləşdirilmişdir.

VİRTUAL KARTIN SPESİFİK XÜSUSİYYƏTLƏRİ:

• İllik xidmətə görə əlverişli qiymət;
• Xüsusi Kart Hesabına (XKH) minimum haqq tələb olunmur;
• Sizin vəsaitiniz üçün təhlükəsizlik, çünki lazımi minimum məbləğin XKH-da saxlanması üçüncü şəxslər tərəfindən kartdan qanunsuz, əsassız, eləcə də avtorizasiyasız istifadə edildiyi hallarda gözlənilməyən zərərin vurulması riskini məhdudlaşdırır.

• «Azəriqazbank» Səhmdar İnvestisiya Bankı tərəfindən təqdim edilən virtual kart beynəlxalq kart hesab olunur.
• Xüsusi Kart Hesabı (XKH) ABŞ dolları ilə aparılır.
• «Azəriqazbank»ın virtual kartı rəsmiləşdirilərkən sığorta depozitinin olması tələb olunmur.

VİRTUAL KART İLƏ HANSI ƏMƏLİYYATLAR APARILA BİLƏR?

«Azəriqazbank»ın MasterCard virtual kartının birbaşa təyinatı İnternetdə əmtəə və xidmətlərin haqqının ödənilməsindən ibarətdir.

KART SAHİBİ ÜÇÜN YADDAŞ

1. Sizin kartınızın fəaliyyət müddəti onun üzərində göstərilmişdir və o göstərilən tarixin son gününədək fəaliyyət göstərir.
2. Kartın fəaliyyət müddətinin uzadılması məqsədilə Sizin üçün əlverişli olan istənilən vaxt banka müraciət edin.
3. Kartınız itirildiyi və ya oğurlandığı halda, bu barədə dərhal banka məlumat verin və ya gecə-gündüz işləyən telefonla (98-43-97, 98-46-97) «AzəriKard»a zəng edin. Bu zaman Sizin şifahi müraciətinizin qeydiyyat nömrəsini almaq lazımdır. Bununla Siz gözlənilməyən zərər vurulması riskini minimuma endirə bilərsiniz.