HÜQUQİ ŞƏXSLƏRƏ HESABLAŞMA-KASSA XİDMƏTİ GÖSTƏRİLMƏSİ

«AZƏRİQAZBANK» Səhmdar İnvestisiya Bankı Azərbaycan Respublikasının həm rezident və həm də qeyri-rezidentləri olan korporativ müştərilərə manatla və valyuta ilə hesablaşma-kassa xidməti göstərir və Azərbaycanın maliyyə bazarında mövcud olan bank xidmətlərinin tam kompleksini təqdim edir. Öz hesabları üzrə fəal əməliyyatlar aparan daimi müştərilər üçün «AZƏRİQAZBANK» güzəştlər edir. Müştərilərə mövcud tariflər üzrə hesablaşma-kassa xidməti haqqında müqavilə əsasında xidmətlər göstərilir.

Bankın dünyanın 20-dən çox iri bankı ilə müxbir əlaqələri vardır və bu da müştəri ödənişlərini tez və keyfiyyətlə həyata keçirməyə imkan verir.

Korporativ müştərilər aşağıdakıları edə bilərlər:

• Qısa müddətə hesablaşma və cari hesablar aça bilərlər;
• Bank əməliyyatlarının aparılması qaydası haqqında məsləhət ala bilərlər;
• Azərbaycan üzrə və xarici ölkələrə pul vəsaitini köçürə bilərlər;
• Hesaba pul köçürmələrini ala bilərlər;
• Dövriyyə əməliyyatlarını həyata keçirə bilərlər;
• Vəsaitin avtomatik olaraq dövriyyəyə buraxılmasını Banka həvalə edə bilərlər;
• Hesabda müəyyən vəsait qalığının saxlanmasını Banka həvalə edə bilərlər;
• Nağd pulu hesaba köçürə, hesabdan nağd pulu ala bilərlər;
• Nağd pulun çatdırılması üzrə sifarişləri həyata keçirə bilərlər.

Nağd valyutanın Bankın müştərilərinə verilməsi Azərbaycan Respublikasının mövcud qanunvericiliyinə uyğun olaraq həyata keçirilir. «AZƏRİQAZBANK» maliyyə fəaliyyətinin istiqamətinin koordinasiyasına yardım edir, eyni zamanda müştərinin bütün potensial imkanlarını həyata keçirir.

Manatla hesablaşma (cari) hesabının və valyuta ilə cari hesabın açılması üçün hüquqi şəxslər aşağıdakı sənədləri təqdim etməlidirlər:

• Hesablaşma hesabının açılması üçün hesab sahibinin rəhbəri və baş mühasibi tərəfindən imzalanmış ərizə
• Ədliyyə Nazirliyində daimi qeydiyyatın notariusda təsdiq edilmiş surəti
• Dövlət Statistika Komitəsinin Şəhadətnaməsinin notariusda təsdiq edilmiş surəti
• Təsdiq edilmiş Nizamnamənin notariusda təsdiq edilmiş surəti
• Təsis müqaviləsinin notariusda təsdiq edilmiş surəti
• Təsisçilər yığıncağının protokolu
• Müəyyən edilmiş forma üzrə imza və möhür nümunələri ilə kartların iki nüsxəsi (hər iki nüsxə notariusda təsdiq edilməlidir)
• Qeydiyyat haqqında Şəhadətnamə – valyuta və manat hesabı üçün Vergilər Nazirliyindən dublikat
• İmza etmək hüququna malik olan şəxslərin vəzifəyə təyin edilmələri barədə əmrlər
• İmza etmək hüququna malik olan şəxslərin pasportları

BEYNƏLXALQ ƏMƏLİYYATLAR

Firmanın beynəlxalq bazarlarda müvəffəqiyyətlə işləməsi üçün ticarət kontraktlarının etibarlı, vaxtında ödənilməsi vacibdir. «AZƏRİQAZBANK» Səhmdar İnvestisiya Bankı öz müştərilərinin layiqli adını və imicini qoruyaraq və onların beynəlxalq ödənişlərin həyata keçirilməsinə olan tələbatının qane edilməsi üçün ən tələbkar müştərilərin problemlərini həll etməyə imkan verəcək hesablaşma xidmətlərinin geniş şəbəkəsini təklif edir:

• xarici valyuta ilə bank köçürməsi;
• akkreditiv hesablaşma formaları;
• nağdsız valyutanın dövriyyəsi üzrə xidmətlər.

Müştəriyə göstərilən hesablaşma xidmətinə aşağıdakı xidmətlər kompleksi daxil edilir:

• Müştərinin tapşırığı ilə onun hesabından pulun benefisiarın bankına köçürülməsi;
• Müştərinin hesabı üzrə bütün əməliyyatlar haqqında çıxarışın müştəriyə və ya onun etibar etdiyi şəxsə təqdim edilməsi. Bu məlumat müştəriyə kağız daşıyıcısında verilir.
• Hesablaşmalar, hesablaşma əməliyyatlarının aparılmasına aid sənəd dövriyyəsi qaydaları haqqında qanunvericilik məsələlərinə dair müştəriyə məsləhət verilməsi.

Əlavə xidmətlər paketi:

• müştərinin xeyrinə köçürülmüş vəsaitin axtarışı üzrə sorğunun yerinə yetirilməsi;
• sorğu olunan dövr üçün hesab tarixçəsinin təqdim edilməsi;
• ödəniş tapşırığının yerinə yetirilməsi haqqında təsdiqin verilməsi.

BANK aşağıdakıları özündə birləşdirən kompleks kassa xidmətini Sizə təqdim edir:

• Əməliyyat günü ərzində Bankın kassasından nağd pulun və nağd xarici valyutanın verilməsi;
• Pul vəsaitinin Sizin hesabınıza eyni zamanda köçürülməsi ilə nağd pulun və nağd xarici valyutanın Bank kassasına qəbul edilməsi, nağd xarici valyutanın inkassoya qəbulu;
• Xarici valyuta banknotlarının dəyişdirilməsi.