BUSİNESS TRAVEL ÜÇÜN AGBankdan YENİ MƏHSUL

İndi artıq yol xərclərinə effektli nəzarət etmək olar

Məlum olduğu kimi, turizm müxtəlif olur. Business Travel turizm növü digər növlərdən tamamilə fərqli xüsusi kateqoriyaya aiddir. Belə ki, işlə bağlı səfərə çıxan şəxslərin öz xüsusi tələbləri var və lazımi şəraiti olmalıdır. Müxtəlif biznes-strukturların nümayəndələrinin işgüzar səfərləri zamanı ortaya çıxan maliyyə məsələləri ilə əlaqədar tələdlər xüsusilə aktualdır.

Artıq uzun illərdir ki, turizm sahəsində fəaliyyət göstərən və Azərbaycanın maliyyə bazarında pionerlərdən biri sayılan AGBank işgüzar səfərlərin maliyyə məsələlərinin təşkili ilə bağlı problemi xeyli asanlaşdırmağa, hətta bu sahədə imkanları genişləndirməyə və yeni imkanlar təklif etməyə qabil olan prinsipcə yeni məhsul işləyib hazırlamışdır.

Maestro Business Prepaid Card - Azərbaycanda bu tipdə ilk və hazırda yeganə kartdır. Bu, müəssisə işçilərinin MasterCard Business kredit kartının (xatırladırıq ki, bu kart orta və kiçik səviyyəli işçilər üçün müəyyən edilməyib və yalnız rəhbərlik və müəssisə sahiblərinə aiddir) verilməsi meyarlarına uyğun olmayan ezamiyyət xərcləri və digər müxtəlif xərclər üçün müəyyən olunmuş kartdır. Maestro Business Prepaid Card adsız buraxılır və müəssisənin ehtiyacları ilə əlaqədar əməkdaşlara təqdim olunan nağd vəsait əvəzinə bir işçidən digərinə keçə bilər.

Hazırda ölkəmizin işgüzar adamları tələbatlı və çox əlverişli bu bank məhsulunu asanlıqla əldə edə bilərlər. Əminik ki, Maestro Business Prepaid Card-ın yaratdığı yeni imkanlar şirkətlərin işləri ilə əlaqədar əməkdaşları tez-tez səfərlərə çıxan iş adamlarının işini xeyli asanlaşdıracaq və daha rahat edəcək.