AGBANK TƏRƏFİNDƏN İPOTEKA KREDİTLƏŞDİRMƏSİ


Əgər siz mənzil almaq və ya yaşayış şəraitinizi yaxşılaşdırmaq istəyirsinizsə, AGBank bu imkanı sizə təqdim etmək iqtidarındadır. İndi artıq siz ipoteka kreditini Azərbaycanın ən iri banklarından birində ala bilərsiniz.

İpoteka nədir?
İpoteka, daşınmaz əmlak girov qoyulmaqla, mənzil almaq üçün verilən uzunmüddətli kredit deməkdir. İpoteka mənzilin dəyərinin yalnız bir hissəsini qabaqcadan və qalan məbləği isə bir neçə il ərzində tədricən ödəməklə mənzil almaq imkanı yaradır. AGBankın ipoteka kreditləşdirməsi proqramı şəxsi əmlak əldə etmək arzusunu həyata keçirməkdə insanlara kömək etməyə yönəldilmişdir. Biz mənzil probleminin və ya daşınmaz əmlaka sərmayənin faydalı qoyuluşunun sadə və asan həlli yolunu təklif edirik.

Standart ipoteka kreditləşdirməsinin şərtləri

• Faiz dərəcəsi – 7% illik
• Kreditləşdirmənin müddəti – 3 ildən 25 ilədək
• Maksimum məbləğ – 50 000 manat
• İlkin ödəniş – evin (mənzilin) dəyərinin 15 faizi
• Aylıq ödəniş – aylıq gəlirin 70%-dək
• Yaş həddi: kişilər üçün – 62 yaşadək, qadınlar üçün – 57 yaşadək

Güzəştli ipoteka kreditləşdirməsinin şərtləri

• Faiz dərəcəsi – 4% illik
• Kreditləşdirmənin müddəti – 3 ildən 30 ilədək
• Maksimum məbləğ – 35 000 manat
• İlkin ödəniş – evin (mənzilin) dəyərinin 15 faizi
• Aylıq ödəniş – aylıq gəlirin 70%-dək
• Güzəştli kateqoriyaya dövlət qulluğunda çalışan gənc ailələr, həmçinin hərbi qulluqçular, idmançılar, elmlər namizədləri, məcburi köçkünlər daxildir.

Bizim üstünlüklərimiz:

• Ərizəyə baxılma müddəti – tam sənədlər paketi təqdim olunan andan 7 iş günü ərzində;
• Kredit almaq üçün ərizəyə baxılarkən komissiyanın tutulmaması;
• Ər-arvadın hər ikisinin gəlirlərinin, eləcə də əlavə gəlirlərin nəzərə alınması. Alınan daşınmaz əmlakın yerləşdiyi regionda qeydiyyatda olmağın tələb olunmaması;
• İpoteka krediti sazişinin bütün mərhələlərində bankın mütəxəssisləri tərəfindən ixtisaslı kömək göstərilməsi.