PLASTİK KARTLAR

Plastik kartlar və ya ödəmə kartları- ənənəvi nağd pul vəsaitindən şəksiz üstünlük təşkil edən ödəmə vəsaitinin müasir növü - özünəməxsus "elektron pul"dur.

Hazırda dünyada plastik kartların müxtəlif növləri mövcuddur, lakin onların fəaliyyət sxemləri və prinsipləri faktiki olaraq eynidir. Fərq onlar üzrə göstərilən xidmətlərin ölçülərində və təqdim olunan imkanlardadır.

Biz plastik kartları nə üçün əldə edirik?

• Təhlükəsizlik qaydalarına riayət etməklə pul vəsaitini kartda saxlamaq əlverişli və təhlükəsizdir.
• Sizin ilk tələbinizlə Bank kart üzrə mədaxil və xərclər haqqında ətraflı hesabat verir.
• Plastik kartlar bütün dünyada milyonlarla ticarət nöqtəsində qəbul olunur.
• Bütün dünyada yerləşən yüz minlərlə bankomatın hansı birində olursa-olsun nağd vəsait götürə bilərsiniz.
• İstəyinizə uyğun olaraq, pul yerli valyuta ilə veriləcək və bu da səyahət zamanı Sizi bir çox problemdən azad edəcəkdir.
• Sərhədi keçərkən kartdakı vəsait üçün deklarasiya təqdim etməyə ehtiyac yoxdur.

Beynəlxalq ödəmə sistemləri

Ödəmə kartlarının buraxılışı və onlar üzrə xidmət dünyada müxtəlif ödəmə sistemləri vasitəsilə əlaqələndirilir. Visa International, MasterCard International ən iri beynəlxalq ödəmə sistemləri sayılır.

Beynəlxalq plastik kartların təsnifatı

Kreditin təqdim edilməsi kimi amillərə əsasən kartlar debet və kredit kartlarına bölünür. Onlar üzrə təqdim olunan xidmətlər dəstindən asılı olaraq onlar "elektron", "klassik", "qızıl" və "platin" kartlarına bölünürlər.

• Elektron kartları (Cirrus - Maestro, VISA Elektron) - terminallardan istifadə etməklə ödəmələr və nağd vəsaitin bankomatlar vasitəsilə və terminallardan istifadə etməklə alınması üçün təyin olunmuşdur;
• Kredit kartlar (MasterCard Standard, Visa Classic) - onlara sahib olanlara kartlar üzrə standart xidmətlər dəstini təqdim edir - mehmanxanalarda ödəniş və sifariş üçün, həmçinin avtomobillərin sifarişi və icarə haqqının ödənişi üçün;
• Qızıl və platin kartları (Visa Platinum, Visa Gold, MasterCard Gold, MasterCard Platinum) - standart xidmətlər dəstindən əlavə, müxtəlif əlavə xidmətlər təqdim edir.

Beynəlxalq plastik kartların növləri:

Xüsusi kart hesabına (XKH) sahib olanın kimliyindən asılı olaraq plastik kartlar aşağıdakı növlərə bölünür:

• Fərdi - bu növdən olan kartın istifadəçisi Bankın istənilən potensial və real müştərisi ola bilər.
• Korporativ - firma və təşkilatlar üçün təyin olunmuş kart növüdür. Şirkət bir korporativ hesab üzrə öz əməkdaşları üçün bir neçə kart açmaq imkanı əldə edir. Təşkilat hesab üzrə bank qarşısında məsuliyyət daşıyır. Korporativ kartlar .......... xərcləri və təsərrüfat ehtiyacları üçün vəsaitin ayrılması ilə əlaqədar problemlərin həll edilməsinə imkan verir. Şirkət istədiyi vaxt hesabdan vəsaiti çıxara və ya oraya əlavə vəsait qoya bilər.
• Diskont - əsas təyinatı əmtəə və xidmətlərin ödənilməsi zamanı, məsələn, mehmanxanalarda, klublarda, restoranlarda, tibb müəssisələrində nömrələr bronlaşdırılarkən, beynəlxalq telefon şəbəkəsindən istifadə edərkən, aviabiletlər alınarkən, avtomobillər icarəyə götürülərkən və s. sahiblərinə güzəştlər verilməsindən ibarətdir. Azəriqazbankın plastik kartları "AZƏRİQAZBANK" Səhmdar İnvestisiya Bankı 1997-ci ilin noyabr ayından "Europay International" ən iri beynəlxalq sistemin həqiqi üzvüdür.

"AZƏRİQAZBANK" aşağıdakı növlərdən olan kartları Sizə təqdim edir:

• MASTERCARD GOLD
• MASTERCARD STANDARD
• CIRRUS/MAESTRO
• MASTERCARD PLATINUM
• MASTERCARD EURO
• MASTERCARD BUSINESS
• VISA GOLD
• VISA CLASSIC
• VISA ELECTRON
• VISA GIFT (HƏDİYYƏ) CARD
• VISA BUSINESS
• AGCLUB
• IAPA
• INSURANCE
• PRIORITY PASS
• MASTERCARD VIRTUAL
• ISIC-MAESTRO
• ITIC-MAESTRO
• MAGELLAN

MASTERCARD GOLD	MASTERCARD STANDARD	CIRRUS/MAESTRO
MASTERCARD PLATINUM	MASTERCARD EURO	MASTERCARD BUSINESS
MASTERCARD BUSINESS PREPAID	VISA-GOLD	VISA-CLASSIC
VISA-ELECTRON	VISA GIFT (HƏDİYYƏ) CARD	VISA BUSINESS
AGCLUB	IAPA	INSURANCE
PRIORITY PASS	MASTERCARD VIRTUAL	ISIC-MAESTRO
ITIC-MAESTRO	MAGELLAN

- "AZƏRİQAZBANK" Səhmdar İnvestisiya Bankı tərəfindən təqdim edilən bütün kartlar beynəlxalq kartlardır və dünyanın bütün ölkələrində qəbul olunur.

- Xüsusi kart hesabı (XKH) ya manatla, ya ABŞ dolları, ya da Euro ilə aparılır. Bu halda "AZƏRİQAZBANK"ın istənilən plastik kartının sahibi xüsusi hesaba manatla və ya valyuta ilə vəsait köçürə bilər və həmin vəsait xüsusi kart hesabı üzrə əməliyyatların aparılması üçün Milli Bank tərəfindən müəyyənləşdirilmiş onun üçün sərfəli olan məzənnəyə əsasən dövriyyəyə buraxılır.

- "AZƏRİQAZBANK"ın plastik kartları rəsmiləşdirilərkən sığorta depozitinin mövcudluğu (CIRRUS/MAESTRO və VISA ELECTRON istisna olmaqla) və xüsusi kart hesabında minimum haqqın olması vacibdir.

"AZƏRİQAZBANK"ın plastik kartlarının əldə edilməsi qaydası

• Bank Azərbaycan Respublikasının 18 yaşına çatmış, şəxsiyyət vəsiqəsi olan fiziki şəxsləri - rezidentləri və yaxud qeyri rezidentləri üçün kart rəsmiləşdirir.
• Əlavə (ailəvi) kartlar əsas kart sahibinin ərizəsinə uyğun olaraq əsas kart hesabı üzrə buraxılır.
• Kartla birlikdə müştəri fərdi eyniləşdirmə nömrəsi (PIN) olan bağlı zərf alır.
• Kartdan istifadə qaydaları və şərtləri baş sazişə Əlavədə şərh olunur.
• Adına kart verilən fiziki şəxs şəxsiyyət vəsiqəsini banka təqdim etməlidir.

Kart hesabının açılması və təklif olunan plastik kartlardan hər hansı birinin (debit) alınması üçün aşağıdakıları etmək lazımdır:

• Bankın baş ofisinə və ya istənilən filialına müraciət etmək;
• Plastik kartlardan istifadə qaydalarını diqqətlə öyrənmək, tariflərlə və palstik kartın verilməsi və xidmət şərtləri ilə tanış olmaq;
• Aşağıdakı sənədləri təqdim etmək:
  • şəxsiyyət vəsiqəsi;
  • Bankda müəyyən olunmuş nümunəyə əsasən ərizəni doldurmaq.

MasterCard Gold və ya Standard plastik kartı üçün kart hesabının açılması və kredit xəttinin əldə edilməsindən ötrü aşağıdakıları etmək lazımdır:

• Bankın baş ofisinə və ya istənilən filialına müraciət etmək;
• Plastik kartlardan istifadə qaydalarını diqqətlə öyrənmək, tariflərlə və palstik kartın verilməsi və xidmət şərtləri ilə tanış olmaq;
• Aşağıdakı sənədləri təqdim etmək:
  • şəxsiyyət vəsiqəsi; - kredit xəttinin açılması üçün ərizə;
  • kredit xəttinin təqdim edilməsi haqqında tipik müqavilə;
  • Bankda müəyyən olunmuş nümunəyə əsasən ərizəni doldurmaq;
  • Zəmanət məktubu və ya digər girov təminatı.
• Kart hesabının illik xidmətini və plastik kartın öz dəyərini (Bankın müəyyən olunmuş tariflərinə əsasən) ödəmək, eləcə də hesablamaların aparılması üçün lazım olan pul vəsaitini nağd və ya nağdsız köçürmə yolu ilə ona əlavə etmək.
• Plastik kart rəsmiləşdirildiyi və pul vəsaitinin kart hesabına köçürüldüyü andan 2 gün ərzində təqdim olunur.
• Plastik kart alınarkən onun sahibi kartın arxa tərəfində yerləşən xüsusi zolaqda öz imzasını qoymalıdır.
• Kartla birlikdə içərisində bankomatdan və ya elektron terminaldan istifadə edərkən lazım olacaq fərdi eyniləşdirmə kodu (PIN-kod) olan zərf verilir. PIN-kod kart sahibindən başqa heç kəsə məlum olmamalıdır. İmkan dərəcəsində PIN-kodu yadda saxlamaq və ya kartın özündən kənarda saxlamaq lazımdır.

Plastik kartlarla hansı əməliyyatları həyata keçirmək mümkündür?

1. * Ölkə daxilində və ölkədən kənarda əmtəə və xidmətlərin ödənməsi, bu halda, aparılan əməliyyata görə kart sahiblərindən heç bir komisyon haqqı tutulmur.
2. * Ölkə daxilində və ondan kənarda bankomatlarda nağd pulun 24 saat ərzində alınması.
3. * Dünyanın istənilən bankında istənilən valyuta ilə nağd pulun alınması (cashadvance).
4. İnternet beynəlxalq şəbəkəsində əmtəə və xidmətlərin ödənməsi.
5. Ölkə daxilində və ondan kənarda avtomobillərin icarəyə götürülməsi.
6. Dünyanın hər yerində mehmanxanalarda nömrələrin bronlaşdırılması.
7. * Arzu olunduğu hallarda - aparılmış əməliyyatlar haqqında çıxarışların əldə edilməsi.
8. * Xarici ölkəyə gedərkən kart hesabında olan vəsaitin deklarasiyadan keçirilməməsi.
9. * Kart hesabının təkcə nağd deyil, həm də nağdsız köçürmələr yolu ilə artırılması.
10. * Ailə üzvlərinizin, yaxın qohumlarınızın adına bir və ya bir neçə əlavə kart rəsmiləşdirməklə "ailə" hesabına malik olunması.
11. * Vəsaitinizin qorunub saxlanmasına əmin olmaq, belə ki, kartlar onların saxtalaşdırılmasından, kart hesabı isə ondan sanksiyasız istifadə edilməsindən etibarlı şəkildə mühafizə olunmuşdur.
12. Nağd vəsaitin dəyişdirilməsi zamanı yüksək komisyon yığımlarına yol verməmək və beynəlxalq ödəmə sistemlərinin əlverişli məzənnəsi üzrə hesablamalar aparmaq.

* Yuxarıda göstərilən bəndlər CIRRUS/MAESTRO və VISA ELECTRON kartlarına da aid edilir.

Kredit kartlar paketinin bir kartdan üstünlükləri

1. Kredit kartlar paketini alarkən Siz bir kart əvəzinə birincidən heç də az əhəmiyyətli olmayan və istifadədə tamamilə müxtəlif olan dörd kart (M/C və VISA iki ödəmə kartı, Mbask sığorta kartı və AGClub diskont kartı) əldə edirsiniz
2. Azərbaycandan kənarda olduğunuz zaman yeganə kartınızı itirdikdə və ya kartınız korlandıqda, Siz öz bank hesabınız ilə əlaqə yarada bilmirsiniz, lakin paketdə aldığınız kartlardan birini itirdiyiniz halda, Siz itirilmiş kartı bloklaşdıraraq ikinci kartdan istifadə etməklə hesabda olan vəsaiti əldə edə bilərsiniz
3. Bir kart əldə etdiyiniz halda (məsələn, M/C), mağazada mal alarkən, yaxud bankomatdan nağd pul çıxararkən POS terminalda və ya bankomatda yalnız VISA sisteminin (və ya əksinə) kartlarının qəbul edilməsi ilə bağlı problemlər meydana çıxa bilər
4. Nadir hallarda bir sistem ilə (M/C və ya VISA) müvəqqəti əlaqə olmaya bilər, bu halda da Siz yuxarıda göstərilən problemlərlə üzləşə bilərsiniz. Kredit kartlar paketini aldıqda Siz belə problemlərlə üzləşməyəcəksiniz, çünki Sizin həm VISA və M/C kartlarınız var
5. Kredit kartlar paketini əldə etdiyiniz halda, bank Sizi bədbəxt hadisələrdən pulsuz olaraq sığortalayır və on doqquz sığorta növü olan sığorta paketini Sizə təqdim edir. Bu Sizin vaxtınıza və pulunuza qənaət edəcəkdir. Sizin bir daha sığorta şirkətinə müraciət etməyinizə, əlavə pul xərcləməyinizə ehtiyac qalmayacaqdır, çünki AGBank artıq bunu Sizin əvəzinizə etmişdir
6. Kredit kartlar paketini aldıqda, Sizə pulsuz diskont kart verilir və onun vasitəsilə Siz mal alarkən və ya xidmətlərə görə haqq ödəyərkən güzəştlər əldə edə bilərsiniz. İndi Sizin vahid diskont sisteminin çoxsaylı partnyorları tərəfindən təqdim olunan güzəştlərlə mal almaq, istirahət etmək, gəzmək, geyinmək, səyahətə çıxmaq, öz sağlamlığınızın və xarici görünüşünüzün qayğısına qalmaq şansınız var
7. M/C və VISA üzrə mükafatların hər il oynanılması, kredit kartlar paketini əldə etdiyiniz halda, hər iki sistemdə iştirak etmək və qiymətli mükafatlar almaq imkanı verir
8. Yalnız M/C və VISA iki kartına sahib olanlar təkcə bir ödəmə kart sahiblərinə heç zaman etibar ediləməyən ən sayılan və ən bahalı markalı avtomobilləri icarəyə götürə bilərlər .

Plastik kartdan necə istifadə etmək lazımdır:

Əmtəə və xidmətlər ödənilərkən və ya nağd vəsait alınarkən:

1. Plastik kart kassirə təqdim olunmalıdır
   • Kassir ödəmə sistemləri avtorizasiya mərkəzinə sorğu göndərməklə ödəmə qabiliyyətini yoxlayır;
   • Hesabda tələb olunan məbləğin olduğu halda, kassir elektron POS-terminal vasitəsilə avtorizasiya zamanı əməliyyatı təsdiq edən xüsusi slip-qəbz və ya çek yazır.
2. POS-terminal slipi və ya çeki imzalanmalıdır
   • İmza kartın arxa tərəfində kart sahibinin imzası ilə eyni olmalıdır;
   • Alqı-satqı əməliyyatları zamanı Sizin imzaladığınız sənədə, xüsusilə, tarixə və məbləğə diqqət yetirilməlidir;
   • Slipin (çekin) bir nüsxəsi kassir tərəfindən kart sahibinə verilməlidir;
   • Təqdim olunmuş slip (çek) kart ilə aparılan əməliyyatlar haqqında hesabat Bankda tutuşdurulanadək bir ay ərzində saxlanmalıdır;
   • Kart hesabının vəziyyəti və plastik kartdan istifadə etməklə aparılan əməliyyatlar haqqında ətraflı hesabat ayda bir dəfədən tez olmayaraq, yaxud kart sahibinin ilk tələbi ilə Bank tərəfindən ona təqdim olunur.

Ödəmə üçün plastik kartların qəbul edilməsi

"AZƏRİQAZBANK"ın plastik kartı MasterCard ödəmə sisteminə məxsus olan ticarət-xidmət müəssisəsində, nağd vəsaitin verilməsi məntəqəsində (NVM) ödəmə üçün qəbul olunur. Bu, giriş qapısında, kassanın şüşəsində və ya bankomatın panelində onun əmtəə nişanı təsvir olunan müvafiq etiketin köməyi ilə müəyyənləşdirilir.

Kart hesabını necə artırmaq olar

Kart sahibi kartdan vəsaiti xərcəldikcə hesabın artırılmasına ehtiyac meydana çıxır. İstənilən əlverişli anda Bankın müştərisi öz kart hesabını həm istənilən kənar bankdan nağdsız köçürmə yolu ilə və həm də nağ vəsaitlə artıra bilər.

• Vəsaitin nağdsız köçürülməsi üçün rekvizitlər plastik kartın verilməsi və kart üzrə xidmətin göstərilməsi müqaviləsində göstərilmişdir;
• Kart hesabına nağdsız köçürmə ilə və ya nağd şəkildə daxil edilən bütün vəsaitdən onların kassaya daxil olduğu günün sabahısı istifadə oluna bilər və ya köçürmə yolu ilə kart hesabına daxil edilə bilər.

Plastik kart sahibi üçün yaddaş

• Sizin kartınızın fəaliyyət müddəti onun üzərində göstərilmişdir və göstərilən tarixin son gününədək fəaliyyət göstərir.
• Kartın fəaliyyət müddətinin uzadılması üçün Sizə əlverişli olan istənilən vaxt bankımıza müraciət edin.
• Sizin xərcləriniz haqqında Bank çıxarışlarını öz çeklərinizin surətləri ilə tutuşdurun.
• Unutmayın ki, limit artırıldığı hallarda, bank tərəfindən cərimə tədbirləri görüləcəkdir.
• Plastik kart Bankın mülkiyyətidir.
• Vaxtı başa çatdıqdan sonra kart sahibi onu Banka qaytarmalı və ya müvafiq ərizə verməklə yeni kartla əvəz etməlidir.

Təhlükəsizliyin təmin edilməsi tədbirləri

Plastik kartdan üçüncü tərəflərin sanksiyasız istifadə etmələrinin qarşısının alınması üçün aşağıdakıları etmək lazımdır.

• Heç vaxt və heç kəsə öz PİN kodunuzu bildirməyin. Onu nə kartı verən bank işçisi, nə bankomata xidmət edən bank əməkdaşları, nə də müstəntiq tələb edə bilər;
• PİN kodu heç vaxt kartın üzərində yAZNayın;
• PİN kodu heç vaxt kartla birlikdə saxlamayın, yaxşısı budur ki, onu əzbərləyin və ümumiyyətlə yazılı şəkildə saxlamayın;
• Kartı aldıqdan dərhal sonra onun arxa tərəfində öz imza nümunənizi qoyun;
• Kartı heç vaxt başqasına verməyin. Lazım gəldikdə, hesabınızda olan puldan qohumlarınızın və yaxınlarınızın istifadə etmələri üçün əlavə kart rəsmiləşdirmək olar;
• Kartınızı, məsələn maşında, restoranda stolun üstündə baxımsız qoymayın;
• Kart itirildiyi halda, 984376 və ya 984386 nömrəli telefonlarla dərhal AzeriÚarda zəng edin. Kartı bloklaşdırmaq üçün Siz öz kod sözünüzü söyləməlisiniz;
• Ayda bir dəfədən gec olmayaraq kart hesabınızdakı pul vəsaitinin hərəkətini yoxlayın. Öz kartınızdan istifadə etdiyiniz səfərlərdən sonra hesab üzrə əməliyyatlara xüsusi diqqət yetirmək lazımdır.

Bankomatın yanında texniki təhlükəsizlik:

• Daxil edilən PİN kodu kənar şəxslərin görməsinə imkan verməyin. Çox güman ki, bundan sonra Siz kartın, daha sonra isə hesabınızdan pulun itdiyini aşkar edəcəksiniz;
• PİN kodu daxil edərkən səhvə yol verməyin. Üç uğursuz cəhddən sonra kartınız bloklaşdırılır;
• Bankomatdan istifadə edərkən cəld olun, pulu aldıqdan sonra kartı kardriderdə qoymayın, əks təqdirdə kart bankomat tərəfindən təhlükəsizlik məqsədilə tutulub saxlanılacaqdır;
• Bankomatın yanında heç kəsə, hətta həmin adam bankın təhlükəsizlik xidməti əməkdaşının və ya bankomata xidmət edən əməkdaşın formasında olsa belə, etibar etməyin;
• Bankomatdan aldığınız pulu gözqabağında saxlamamağa çalışın. Pulu bankomatın qarşısında saymağın mənası yoxdur. Maşın səhv etmir və əgər səhv edərsə, Sizə anlaşıqlı cavab verməyəcək, lakin əldə tutulan pul bağlaması ətrafdakılara pis nəticələr verə biləcək təsir göstərə bilər.

Mağazada, restoranda kart vasitəsilə ödəniş aparılarkən təhlükəsizlik texnikası:

• Öz kartınızdan pul kisəsi kimi istifadə edin. Təsəvvür edin ki, hesablaşarkən pul kisənizi təqdim edib, lazımi məbləğdə pulun oradan götürülməsini xahiş edirsiniz. Kartı heç vaxt gözləriniz görən sahədən kənara buraxmayın. Bu Sizin pulunuzun başqaları tərəfindən əldə edilməsinə şərait yaradır;
• İmprinter vasitəsilə (POSterminalsız) ödəniş zamanı heç vaxt üçdən artıq slip imzalamayın. Slipin imzalanması - kart hesabınızdan göstərilən məbləğin silinməsinə razılıq deməkdir. İmzaladığınız üç slipdən biri təşkilatda qalır, biri həmin təşkilat tərəfindən banka göndərilir və biri isə əməliyyatı təsdiq edən sənəd kimi Sizdə qalır;
• Məbləğ göstərilməyən slipi heç vaxt imzalamayın. Belə slipi imzalamaqla Siz hesabınızda olan məbləğ həcmində pulun oradan silinməsinə imkan verirsiniz;
• Slipi imzalayarkən bütün boş yerlərin üstündən xətt çəkin. Bununla Siz kassiri oraya əlavə nə isə yAZNaq həvəsindən daşındıra və özünüzü hesabınızdan artıq məbləğin silinməsi təhlükəsindən qoruya bilərsiniz;
• Slip düzgün rəsmiləşdirilməzsə, onun ləğv edilməsini tələb edin. Slip rəsmiləşdirildiyi zaman səhvə yol verildiyi üçün Sizə yeni slipin rəsmiləşdirilməsi təklif olunarsa, səhv slipin ləğv edilməsini xahiş etməkdən çəkinməyin. Əks təqdirdə hesabınızdan ikiqat məbləğdə vəsait silə bilərlər.

İnternet şəbəkəsində kart vasitəsilə ödəmə zamanı təhlükəsizlik texnikası:

• Haqqında heç bir məlumatınız olmayan saytlarda özünüz və kartınız barədə məlumat qoymamağa çalışın;
• İnformasiyası minimum olan saytın "ucuz" tərtibi, saytın məzmunun biznes elanına uyğun gəlməməsi, işləməyən qeyd və servislər, mağazanın saytında kart məlumatlarının daxil edilməsi Sizi sayıq olmağa çağırır. Vəsaiti ödəməyə hazırlaşdığınız təşkilatın harada yerləşməsini öyrənin. Əgər ünvan yoxdursa və o Sizdə şübhə doğurursa, vəsaiti ödəməzdən əvvəl fikirləşin, bunu etməyə dəyərmi?
• Hesabında böyük məbləğ olan kartlardan İnternet vasitəsilə ödəniş üçün istifadə etməyin. Bu məqsədlər üçün Azəriqazbankın VirtualÚard MasterÚard kartlarından istifadə etmək daha uyğundur, çünki bu kartların hesablarına pulu lazım gəldikdə yerləşdirmək mümkündür;
• Pulun hesabdan qanunsuz olaraq silinməsi haqqında çüzi şübhə yarandıqda, banka müraciət edin. Müəyyən müddət və şərtlər mövcuddursa, hesabınızdan pulun qanunsuz olaraq silinməsinə qarşı iddia qaldırmaq imkanı yarana bilər.

Bu qaydalara riayət etmək Sizə Azəriqazbankın plastik kartlarından istifadə etməkdən yalnız həzz almağa imkan verəcəkdir. Kartla səhlənkar rəftar etmək və yuxarıda göstərilən müddəalara laqeyd münasibət bəsləmək ilə əlaqədar xoşagəlməz hadisələrə görə məsuliyyəti yalnız kart sahibi daşıyır.

Mastercard plastik kartını əldə edənlər üçün xidmətlər paketi

MasterCard və Visa International plastik kartları rəsmiləşdirilərkən "AZƏRİQAZBANK" müştərilərə Azərbaycandan kənarda bədbəxt hadisələrdən və tibbi xərclərdən risklərin 19 növünün əvəzinin ödənilməsi üçün MasterCard beynəlxalq sisteminin Gold və Standard plastik kart sahiblərinə sığorta polisi.