AMERICAN EXPRESS ÇEKLƏRİNİN ƏSAS ÜSTÜNLÜKLƏRİ

American Express çekləri nağd pulun ekvivalentidir, lakin nağd puldan fərqli olaraq onları oğurlanmaqdan və ya itirilmədən qoruyan xüsusi üstünlüklərə malikdir. Buna görə onlardan nağd vəsaitin itirilməsi riski böyük olan hallarda istifadə oluna bilər:

1. Səfərdə (istər Azərbaycanda, istərsə də xaricdə)
2. Evdə ( yaxşı gizlədilməsinə baxmayaraq, peşəkar oğru üçün mənzildə nağd vəsaiti tapmaq heç bir çətinlik törətmir).

AMERICAN EXPRESS yol çekləri
(Səfərlər üçün nəzərdə tutlmuşdur)
İtirildikdə, oğurlandıqda və ya zədələndikdə Sizin çeklərininz, adətən, American Express-ə müraciət edildikdən sonra 24 saat ərzində bərpa ediləcək. Belə ki, yad şəhərdə və ya ölkədə pulsuz qalmaq qorxusu tamamilə istisna olunur.

Mal aldığınız zaman Siz çeklərin yuxarı sol küncündə öz imzanızı qoyursunuz və Sizin çekləriniz adlı olur. İmzaladığınız çekdən yalnız Siz istifadə edə bilərsiniz. Bu, American Express çeklərinin ödənilməsi üzrə etibarlı sistemlə təmin edilir.

American Express yol çeklərinin fəaliyyət müddəti məhdudiyyətsizdir. Bu səbəbdən istifadə olunmamış çekləri gələn səfərlərə saxlamaq olar.

AMERICAN EXPRESS çeklərindən istifadənin əlverişliyi
Çeklər bir çox maliyyə müəssisələrində (Azərbaycan və MDB ölkələri daxil edilməklə), eləcə də American Express-in bütün dünyadakı nümayəndəliklərində, çox vaxt komissiyasız (milli valyuta ilə) ödənilir. Konkret şəhər və ya ölkə üzrə məlumatı American Express-in qaynar xəttindən öyrənmək olar;

American Express çekləri dünyanın populyar valyutaları (yol çekləri - 9 valyuta, Secure Funds çekləri - 2 valyuta) və müxtəlif nominallarla buraxılır;

American Express çekləri xarici ölkələrin bir çox mehmanxanalarında, mağaza və restoranlarında mal və xidmətlərə görə ödəniş kimi qəbul edilir və qalıq nağd pulla komissiyasız qaytarılır;

American Express çekləri vəsiyyətnamədə göstərilməsələr belə, irsən alına bilər.